حسني شتا يرد على تحذير رانيا محمود ياسين من تشبيهه بوالدها في «ليالينا 80»

+ = -

عبّر الفنان حسني شتا عن سعادته وتقديره لتشبيه الجمهور شخصيته في مسلسل «ليالينا 80» بالفنان محمود ياسين في نفس الفترة، حيث ظهر الفنان في العمل مقاربًا من حيث الشكل للفنان الكبير.

لكن الفنانة رانيا محمود ياسين نجلة الفنان الكبير حذرته من ذلك قائلة عبر «فيسبوك»: «عايزة اقول حاجة للممثلين أحمد حسنين فى “البرنس” بيقولوا شبه عمر الشريف وحسنى شتا بيقولوا شبه محمود ياسين طلع فى مسلسل ليالينا والنبى بطلوا تقولوا عليهم كده متخليهمش يعتمدوا على كده سيبهم يكونوا نفسهم».

وتابعت: «حكاية الشبه دى بتجيب نتيجة عكسية على فكرة حتى مع أبناء الفنانين اللى هما مضطرين يبقو شبه آبائهم بحكم الجينات سيبوهم يبقوا نفسهم».

ورد الفنان حسني شتا على تحذير الفنانة رانيا محمود ياسين عبر صفحته الرسمية في «فيسبوك»، وقال: «مش عارف فعلا هي بتحذرني ليه ومن ايه!!! ولو علي التحذير يبقي توجهيه للجمهور اللي قال كده مش انا …ثانيا احترامي وتبجيلي للفنان الكبير محمود ياسين بتاريخه الفني الكبير مفيش اي مقارنه لأن الأساتذة الكبار أمثال محمود عبد العزيز واحمد ذكي وعادل امام ونور الشريف وغيرهم من نجومنا الكبار لا يمكن ان فيه ممثل أيًا كانت موهبته انه يقارن نفسه بيهم لانهم صنعوا تاريخهم الفني بالفعل».

وأكد «شتا»: «ثالثًا انا مبقلدش حد اللي شاف دوري في ايوب أو الاب الروحي او ابو جبل او طلقه حظ أو فيلم اشتباك او طلق صناعي او غيرها من الأعمال هيلاحظ إني بحاول ان كل شخصيه تكون مختلفه عن التانيه في الملامح الداخلية والإطار النفسي والشكل والإطار المادي من ملابس وطبقه صوت وغيره ..في ايوب زي مابيقولوا كنت شبح وفي الاب الروحي هادي وانفعالاته داخليه».

وتابع: «ومش انا اللي يقول كده ديه الناس اللي بتقيم وتحب وهفضل اجرب في كل شخصيه بعملها لآخر عمري لأن ديه متعه التمثيل إني احاول اخلق شخصيه من لحم ودم وكل مره تكون مختلفه والتوفيق بالنجاح من عند ربنا ولو لما تصيب فعملت اللي عليًا إني مش بستسهل واعمل كل الحاجات شبه بعضها ..فصادف ان الدور في مسلسل ليالينا في حقبه زمنيه قديمه واللبس وغيرها من تفاصيل العصر تتماس مع طبيعه وشكل استاذنا محمود يس .وفيه شبه في الملامح خصوصا مع تسريحه الشعر والسوالف واللبس طب ايه المشكله بقي مش فاهم يااستاذه رانيا ولكي مني كل التقدير».

مسلسل «ليالينا 80» بطولة إياد نصار، غادة عادل، صابرين، خالد الصاوى، محمد الشقنقيرى، نهى عابدين، ميدو عادل، محمد على رزق، هاجر الشرنوبى، نورهان، محمد رشاد، منة عرفة، هشام الشاذلى، رنا رئيس وعدد آخر من الفنانين الشباب، وتدور أحداثه في إطار اجتماعي خلال فترة الثمانينيات.

الوسم

               

أترك تعليق
تابعنا على تويتر