محمد سامي يكشف أسباب اعتذاره عن إخراج مسلسل «الإمبراطور» حول حياة أحمد زكي

+ = -

أكد المخرج محمد سامي لبرنامج «أسرار النجوم» مع إنجي علي، على «نجوم إف.إم»، أنه اعتذر عن إخراج مسلسل «الإمبراطور» الذي يحكي قصة حياة الفنان الراحل أحمد زكي، ويقوم ببطولته محمد رمضان.

وكشف في مداخلة على هامش استضافة زوجته الفنانة مي عمر في البرنامج، أسباب اعتذاره عن العمل قائلًا: «لما اتكلمنا أنا ومحمد رمضان في الموضوع ده قلت لها بص أنا لو فكرت أعمل الموضوع ده ليك أنا عندي شخص معين هو اللي يكتب الموضوع ده لأنه فيه حفر كتير، هو الأستاذ وحيد حامد، وهو ما اعترضش على كتابته لكنه كان منشغل في مسلسل (الجماعة 3)».

وأوضح: «وجهة نظري علشان أعمله محتاج أتفرغ له سنة سنتين، ومحتاج سنة كاملة كاستنج بس، والشكل ده ما كانش مناسب إن محمد رمضان عاوز يعمله السنة دي، وأنا من السنة اللي فاتت ماضي مسلسل أحمد السقا اللي اتأجل للسنة الجاية، فكل الظروف كانت ضد إني أكون في المشروع ده».

وكانت المخرجة كاملة أبو ذكري، قد حسمت موقفها مؤخرًا من إخراج مسلسل «الإمبراطور»، وكتبت عبر حسابها الرسمي بموقع «فيسبوك»: «محمد رمضان ممثل موهوب جدا، وأحب جدا أشتغل معاه لما الظروف تسمح، بس أنا السنة دي مش هشتغل مسلسلات مهما كانت إيه».

وتابعت: «عشان الناس اللي بتتصل عشان تعمل كاستينج، أنا مش هعمل مسلسلات السنة دي، وحلمي هو فيلم رواية لنجيب محفوظ من إنتاج شركة كاي ميديا، وده لسه السيناريو ماتكتبش».

وأعلن الفنان محمد رمضان بشكل رسمي عن اعتزامه تقديم عمل في رمضان 2021 يحمل اسم «الإمبراطور» عن قصة حياة الفنان الراحل أحمد زكي، ويكتبه السيناريست الكبير بشير الديك، فيما لم يتم الاستقرار بعد على مخرج العمل.

الوسم


أترك تعليق
تابعنا على تويتر